Dadansoddi llythyrau atgyfeirio– cynnwys
Awgrymir eich bod yn edrych yn fanwl ar 10 llythyr atgyfeirio acíwt yr ydych wedi eu hysgrifennu yn olynol. Bydd y person yr ydych wedi ei atgyfeirio ato yn cyfarfod â’r claf am y tro cyntaf (fel arfer) ac mae hanes llawn am y claf yn bwysig. Mae’n debygol y bydd y claf yn aciwtaidd wael, ac efallai y byddwch yn gallu rhoi gwybodaeth bwysig i’r meddyg sydd yn derbyn y claf. Gwiriwch y llythyrau atgyfeirio am y manylion canlynol, ac os yn briodol awgrymwch newidiadau. Fel meddyg teulu OOH efallai na fydd gennych fynediad at yr holl wybodaeth fyddai gan feddyg arferol y claf, ac efallai y byddai hynny yn bwynt diddorol i fyfyrio arno. Efallai y byddwch yn dymuno cynnwys eich myfyrdodau am y materion a nodwyd a’r pwyntiau dysgu ar MARS, a chynnwys eich dadansoddiad fel dogfennaeth ategol ychwanegol.
Gallwch lawrlwytho templed yma.
Rheswm dros atgyfeirio | Hanes y gwyn | Hanes meddyginiaeth, alergeddau | Canfyddiadau archwiliad | Hanes Seicogymdeithasol Perthnasol | Hanes Meddygol |
---|---|---|---|---|---|
Y | Y | Y | Y | N | N |
Y | Y | N | Y | N | Y |
Y | Y | Y | Y | N | N |
Y | Y | Y | N | Y | Y |
Y | Y | N | Y | Y | N |
Y | Y | Y | N | N | N |
Y | Y | N | Y | N | Y |
Y | Y | Y | Y | Y | Y |
Y | Y | N | Y | N | Y |
Y | Y | Rhannol | Y | Y | Y |
Materion a nodwyd
Pan edrychais ar fy llythyrau atgyfeirio roddwn yn eithaf hapus bod yna ddigon o dystiolaeth am y rheswm dros atgyfeirio a hanes am y gwyn a gyflwynwyd yn yr holl lythyrau a archwiliwyd. Roedd yr hanes am feddyginiaethau yn rhesymol ar y cyfan, ond yn brin mewn rhai, allai fod yn bwysig. Roeddwn yn llawer gwaeth am gofnodi hanes seicogymdeithasol a hanes meddygol, ac mae hynny efallai yn adlewyrchiad o beidio ag adnabod y claf cyn yr ymgynghoriad. Ond efallai y buaswn mewn lle gwell i gael y wybodaeth hon o’i gymharu â’r meddyg fyddai’n derbyn y claf.
Pwyntiau dysgu
Roedd fy llythyrau atgyfeirio ar brydiau o ansawdd dda, ond roedd yna le i wella, roedd yna un yn benodol nad oedd yn cynnwys digon o wybodaeth. Mae’r gwasanaeth OOH yn darparu llythyrau derbyn strwythuredig i ni, ac rwyf yn syml wedi bod yn anwybyddu’r penawdau ac ysgrifennu testun rhydd. Byddaf yn ymdrechu i lenwi’r bylchau hyd yn oed gyda sylwadau negyddol (e.e. dim hanes meddygol perthnasol) Byddaf yn ail archwilio hyn y flwyddyn nesaf.