Cyfraniad at archwiliad
Mae’r adran yma yn cynnig templed i unigolyn ddangos ei rôl mewn archwiliad pan nad ydynt o reidrwydd yn brif ysgogydd. Nid yw hynny yn dileu y gofyniad ail-dilysu mewn perthynas â chyfrifoldebau unigolyn o dan y maes gwella ansawdd (h.y. o fewn cylch 5 mlynedd, naill ai archwiliad personol, adolygiadau achos, adolygiad o raglen addysgu neu werthuso effaith menter iechyd).
Gellir lawrlwytho templed gwag yma.
| Teitl yr archwiliad | Cydragnodi asid ffolig gyda Methotrexate |
|---|---|
| Pam cynhaliwyd yr archwiliad yma | Gwelodd un claf un o fy mhartneriaid yn dioddef â chyfog a chwydu. Roedd yn cymryd Methotrexate ar gyfer ei RA ond nid oedd yn cymryd asid ffolig yn atebol - cyfeiriodd at hynny mewn cyfarfod practis ac mae’n rhaid i mi gyfaddef nad oeddwn yn ymwybodol o’r dystiolaeth oedd yn ategu’r cydragnodi. |
| Prif ddeilliannau | Canfu fy mhartner mai dim ond i 62% o’n cleifion y cydragnodwyd asid ffolig gyda Methotrexate. |
| Rôl bersonol yn yr archwiliad. | Roeddwn yn ymwneud â gweld 3 o’r cleifion na oeddent yn cael cydragnodiad - ac roedd gan bob un ohonynt o leiaf un symptom o anhwylder gastrig neu bilenni gludiog dolurus |
| Newid mewn ymarfer personol? | Byddaf yn ymdrechu i sicrhau y byddaf yn gwirio bod claf yn cymryd asid ffolig pryd bynnag y byddaf yn llofnodi ailragnodiad ar gyfer Methotrexate. |
| Unrhyw anghenion datblygiadol a nodwyd | Mae hyn wedi gwneud i mi sylweddoli fy mod yn rhydlyd braidd ynghylch yr holl DMARDau a monitro hynny. Mae gennym brotocolau gofal lleol a rennir, ac mae gan y practis system sydd yn monitro y rhain. Rwyf yn meddwl y gallwn wneud â diweddaru fy ngwybodaeth yn y maes yma a byddaf yn nodi hynny yn fy PDP |
| Beth mae’r broses yma wedi ei olygu i mi? | Rwyf yn rhywun sydd yn eithaf amharod i gymryd rhan mewn archwiliad fy hun. Ond mae’r archwiliad yma wedi dangos i mi y gall gwir welliannau mewn gofal cleifion ddeillio o’r broses hon. Roedd y tri chlaf yr oeddwn yn ymwneud â nhw yn bersonol yn dangos arwyddion o wenwynedd Methotrexate, ac rwyf yn gwybod bod o leiaf un ohonynt yn teimlo yn llawer gwell ar ôl y cydragnodiad. Yn ogystal â dysgu mwy am DMARD rwyf yn credu y byddaf yn archwili sut y mae gwaed ac wrin yn cael ei fonitro yn achos ein cleifion sydd yn cymryd y cyfryngau gwenwynig posibl yma. |