Triniaeth
Gall y gofal y bydd y claf yn ei dderbyn amrywio yn ddibynnol ar y safle a cham y briw. Y cam cyntaf mwyaf cyffredin yw biopsi pan dynnir dan bach o’r briw, mae’r gweddill yn cael ei bwytho a chynllunnir triniaeth yn seiliedig ar y canlyniadau. Os oes yna SCC brau ar y wefus, gellir gwneud biopsi naill ai drwy eillio neu giwretio. Efallai y bydd tiwmorau tonsilaidd angen biopsi drwy dorri, a llawdriniaeth ychwanegol yn cael ei pherfformio'n ddiweddarach.
Os bydd y biopsi yn cadarnhau canser y geg, fel arfer bydd triniaeth bendant yn cael ei chynllunio bryd hynny. Gall hynny gynnwys mwy o lawdriniaeth, radiotherapi, cemotherapi neu gyfuniad o’r rhain. Gall y claf brofi nifer o wahanol sgil effeithiau o ganlyniad i’r ymyriadau yma, allai ddod i sylw deintyddion, meddygon, fferyllwyr a gweithwyr gofal iechyd eraill.
Gall canser y geg cynnar nad yw’n gymhleth arwain at ychydig iawn o forbidrwydd neu dim o gwbl o ganlyniad i’r driniaeth. Gall triniaethau ar gyfer canser y geg arwain at effeithiau parhaus sydd yn cynnwys:-
- Diffygion cosmetig
- Diffygion gweithredol
- namau lleferydd
- ceg sych
- anallu i agor y geg yn llwyr ac anhawster llyncu
- anhawster bwyta
- Poen
- Materion emosiynol
- Problemau deintyddol parhaus
Fel arfer bydd y claf wedi cael archwiliad deintyddol llawn ac ymdrinnir â phroblemau deintyddol cyffredino cyn rhoi’r driniaeth ddiffiniol.