Trosolwg
Mae clefyd seliag yn anhwylder awtoimiwn. Mae amlygiad i glwten yn y deiet yn arwain at ymateb imiwn annormal. Gall nifer o wahanol o wrthgorffynnau gael eu cynhyrchu a gall ymateb llidus dilynol yn y coluddyn bach arwain at atroffeg filaidd (byrhau’r fili). Mae lleihau’r ardal amsugno sydd ar gael yn y coluddyn bach yn arwain at nifer o’r cymhlethdodau sydd yn gysylltiedig â’r camamsugnad cronig a welir mewn pobl â chlefyd seliag sydd heb eu trin.
Yn fyd-eang mae clefyd seliag yn effeithio ar tua 0.5-1% o’r boblogaeth, ond yng Ngogledd Ewrop mae hynny yn codi, ac mae’r amcangyfrifon ar gyfer mynychder yn y DU yn rhwng 0.8-1.9%. Un o’r prif broblemau gyda chlefyd seliag yw ei adnabod. Amcangyfrifir bod 85-90% o’r bobl â chlefyd seliag heb eu diagnosio. Mae’r amrywiol gyflwyniadau o seliag yn golygu ei fod yn anodd ei ddiagnosio a’r amser cymedrig o ddechrau’r symptomau i ddiagnosis yn 10 mlynedd neu ragor.
Ar ôl ei ddiagnosio, y brif driniaeth yw deiet heb glwten a monitro ar gyfer llithro’n ôl a diffygion.