Effeithlonrwydd – Inswlin
Mae Canllaw presennol NICE ar reoli diabetes math 2 yn argymell, lle mae’r rheolaeth ar glwcos gwaed yn parhau neu’n dechrau troi’n annigonol wrth dderbyn therapi gwrth-ddiabetig drwy’r geg, y dylid ystyried inswlin yn opsiwn nesaf ar gyfer triniaeth. Inswlin isoffan dynol, a elwir yn NPH fel arfer, sydd wedi’i argymell fel y dewis cyntaf ar gyfer trin y rhan fwyaf o bobl.
Nod y dangosydd yw lleihau’r rhagnodi ar gyfer cydweddau inswlin cyfnod hir.
Gellir lawrlwytho fersiwn hygyrch o’r llun drwy’r ddolen hon
- Nid oes tystiolaeth sy’n awgrymu bod cydweddau inswlin cyfnod hir yn rhagori ar inswlin NPH.
- Mae NICE yn argymell NPH yn ddewis cyntaf ar gyfer trin y rhan fwyaf o bobl cyn ystyried cydweddau inswlin cyfnod hir (NG28, 2020).
Tueddiad mewn rhagnodi cydweddau cyfnod hir fel canran o gyfanswm yr inswlin cyfnod hir a chanolig a ragnodwyd mewn gofal sylfaenol
Gellir lawrlwytho fersiwn hygyrch o’r llun drwy’r ddolen hon
Sut y gellir gwneud newidiadau?
- Dylai cleifion gael cyfle i wneud penderfyniadau seiliedig ar wybodaeth am eu gofal a’u triniaeth, mewn partneriaeth â’u gweithwyr gofal iechyd proffesiynol. Dylid trafod effeithiolrwydd cymharol y mathau penodol o inswlin gyda’r claf a chael gwybod am unrhyw beth sy’n well ganddo.
- Wrth ddechrau rhoi therapi inswlin i gleifion, dylid dilyn rhaglen strwythuredig ar gyfer titradu dosau. Yn ogystal â hyn, dylai’r rhaglen gynnwys technegau chwistrellu, cymorth parhaus dros y ffôn, hunanfonitro, deall deiet, canllawiau’r DVLA, rheoli hypoglycemia, delio â newidiadau acíwt wrth reoli glwcos plasma, a chymorth gan weithiwr gofal iechyd proffesiynol profiadol sydd wedi cael ei hyfforddi’n briodol.